جبنا لكن هذا المنتج البطل عشان يكون من ضمن فعالياتكم للصيف و تستمتعون بالمنتج في الشاليهات والاستراحات أو حتى المنزل 🔥🤽🏻♂️
فكرة اللعبة:
انها تختصر عليك الوقت وتعبي مجموعة من البالونات المائية في نفس الوقت خلال 60 ثانيه.
محتويات اللعبة:
داخلها 3 عناقيد وكل عنقود فيه 37 بالون يعني يصير الاجمالي 111 بالون.
يوجد قطعة يتم تركيبها في رأس العنقود لتعبئة الماء.
طريقة التعبئة:
سهله ولكن تحتاج تركيز شوي بمعنى، ضروري وقت التعبئة تركبون الرأس الخاص بالتعبئة فوق الفتحه إلي يدخل منها الماء، واضحه طريقتها جدا، ولكن المهم تركزون انكم ما تعبونها فوق طاقتها عشان ما تتفكك عليكم وكمان تحطون تحتها سطل اكركم الله بحيث تطيح البالونات فيه اذا تعبت، ويفضل يكون العنقود وانتوا تعبونه قريب من السطل عشان اذا تقفلت البالونات بشكل تلقائي ما تكون المسافة بعيده عن السطل وتطيح و تنفقع، بعد ما تمتلئ البالونات اما انها تطيح من نفسها او انكم تهزون هزه خفيفه بحيث تطيح وتتقفل البالونات بالمغاط.
ملاحظة: طبعا اكيد تجي كم حبه ما تضبط معاكم لانها هي تختصر الوقت بنسبة 70٪ يعني عادي لو فيه بالوان ما ضبط تسحبونه من العنقود إلي معلق فيه و تعبونه يدوي، او اذا فيه مويه في البالون بس ما طاح عادي اسحبوا البالون من مقدمته بحيث المغاط يسكرها.
تنبيهات مهمه:
خطير على الأطفال من 0 - 3 سنوات، ويمنع لعبهم بها.
نرجوا الانتباه للأطفال وقت اللعب عشان ما يبلعونها بالخطأ سواء وهي فيها ماء او منفقه.
