هذا المسباح يوصلك مع بكج السلاطين كامل كيس اصفر وبوكس اصفر
مناسبة للإهداء و الإستخدام اليومي و المناسبات
<iframe class="ql-video" frameborder="0" allowfullscreen="true" src="https://www.youtube.com/embed/S5vJDeH5biU?showinfo=0"></iframe>
تم تصنيع هذا المسبح بجهد وتعب وتم ايقاف فكرة تصنيع هذا النوع من الخشب اكثر من مرا والله الحمد بفضل الله ثم العزيمه والصبر بعد 7 شهور من المحاولة قدرنا نصنع هذا المسباح ب أعلى جودة
وش سبب التأخير والصعوبة ؟
- خشب القرض الافريقي خشب صلب صعب التشكيل حاولو من قبل يصنعون اثاث و ديكورات وغيرة لأنه حرام يحترق لجمال شكلة وتفاصيله ولاكنهم ماقدرو فاضطرو انهم يبيعونه كاحطب لانها مافيه جدوه للخشونته وصلابته وصعب تشكيلة
- اول مشكلة واجهتنا منشار الخشب من شركة موكيتا اليابانية اجود الشركات اول مانحاول نقص الخشب يطلع شرار من الخشب نفسه ! تخيلو سنة المنشار تتأكل كلها في اول قصة لدرجة ان شرينا منشار مخصص لقص الحديد ومانجح ونفس المشكلة !
- وبعد المحاولات اضطرينا نصنع مكينة تكون خاصه للخشب هذا وتكون صلبة زيه وسوينا اول مكينه وللأسف اشتغل الفني عليها وفجأة طلع دخان من الدينمو كنه دخان كفرات السيارة اذا احترقت واليأس تملكنا
- وبعد المحاول جبنا دينمو غير مخصص للقص شي قوي مرا يستخدم للمعدات والحمد الله بعد 7 شهور ضبطت معنى سبحة وحدة وانقول ان اشاء الله ماتطلع لنا تحديات مستقبلية لهاذا الخشب الجميل ونوقف انتاجة
كيف نختار الخشب الصالح والي مافية تشققات كل 200 كيس 10 كيلو نطلع منه تقريباً 10 اكياس نصف صالحة لانه خشب متشقق مستحيل تشوف جذع خالي من التشققات.
تنبيه
الاسئلة الشائعة ؟
1- يرجى عدم رش العطر على المسباح لماذا ؟ يقلل من لمعة الخرز ويتلفها ويخرب الخيط
2-هل يتغير لونها او تطلع ريحها الطربزونه فضه او الكركوشة الفضة؟
لانه من الفضه لايتغير لونه ولا تصدر رائحة حتى اذا جاها ماي .
3- هل تجي مع الطلب فاتورة ؟
لا بدون فاتوره ولا اي شي يدل على سعر المنتج او تفاصيل المشتري للأهداء
4-هل اقدر اطلب السبحه ويستلمها شخص ثاني ؟
ايه، في خيار عند الطلب اسمه (استلام الطلب عبر شخص اخر )
(شعارنا نكسبك ونبيك عميل مدى الحياه لنا ونقدم لك شي يميزك اذا استخدمته و يجملك اذا اهديته )
نوع القصه : دايري
مقاس الخرز : 12 ملي
وزن المسباح :64جرام
طول المسباح مع طربزونه :58 سم
عدد خرز المسباح : 51 خرزه
