منتج UNDO للحبوب والآثار
199ر.س
380ر.س-48%وصف المنتج
وش يقولون عملاء أندو بعد ما جرّبوه؟
اسمع تجاربهم بأصواتهم 🎧
سارة
★★★★★
الصراحة الكريم هذا جبّار، غيّر بشرتي 180 درجة. كانت أغلبها حبوب وصارت الحين موحّدة، وما تطلع لي ولا حبة من بعد ما استخدمته.
🎧 اسمع تجربتها بصوتها (13 ثانية)
أسامة
★★★★★
الأمانة المنتج رهيب. عندي آثار حبوب قديمة في الظهر كثير جدًا، والأكتاف كانت تطلع فيها حبوب جديدة لونها أحمر. بعد ما استخدمته الأكتاف ما عاد فيها حبوب، والظهر قاعد يقشّر على الخفيف وصار الجلد ناعم شوي.. رهيب.
🎧 اسمع تجربته بصوته (33 ثانية)
ندى
★★★★★
مرة حبيت إن أندو جمع لي العناية بكريم واحد بدل ما أستخدم كذا كريم.
🎧 اسمع تجربتها بصوتها (9 ثوانٍ)
نتايج عملاء أندو: قبل وبعد
5 أسباب خلّت السعوديين يتركون حبوب الروكتان ومقشر الأكرتين ويجربون منتج Undo؟ 😍
وهو يجي على شكل كريم لطيف للعناية بمظهر البشرة المعرضة للحبوب والبقع بعدها، بخطوة سهلة ضمن روتينك اليومي ✨
بدعم من أطباء جلدية واستشاريين وبصنع سعودي ومسجّل في هيئة الغذاء والدواء برقم الإدراج: CN-2026-125489 🇸🇦
قبل الأسباب الخمسة فيه شيء لازم تعرفه ومحد يقوله لك!
الأثر ما يجي لأنك عصرت الحبة ولا لأن بشرتك "خربانة" ولا لأنك ما تشرب مويه كفاية!
وحدة كتبت لنا تعليق لخّص القصة كلها تقول:
«الحبة تروح بيومين بس مكانها يقعد معي شهور 😭»
وهي صادقة.. لأن الأثر ما ينرسم بعد ما تروح الحبة الأثر يبدأ يترسم من أول يوم تلتهب فيه الحبة بشرتنا فيها ميلانين أكثر وأول ما يصير التهاب في أي مكان الخلايا الصبغية تترجم الالتهاب لصبغة وتنزلها مكان الحبة يعني كل ما زاد التهيج والحرقة والتنشيف زاد الأثر!
وهنا المصيبة: بعض روتينات العناية تكون قاسية على البشرة وتترك إحساسًا بالجفاف والشد، والوصفات المنزلية مثل الليمون والبيكنج صودا ومعجون الأسنان ممكن تهيّجها. عشان كذا ركزنا في Undo على العناية بمظهر البشرة والبقع بعد الحبوب مع مكونات مرطبة، بدون ما نزيد عليك خطوات الروتين.
وهذا مو كلامي: فيه دراسة سعودية على مرضى حب الشباب طلعت إن 87٪ منهم عندهم آثار وبقع بعد الحبوب وقريب النص منهم الأثر يزعجهم أكثر من الحبة نفسها.
عشان كذا بنينا Undo على قاعدة وحدة: عناية بمظهر البشرة المعرضة للحبوب والبقع بعدها، مع مكونات مرطبة تساعد على تحسين مظهر تفاوت اللون.
1 لأنه جمع لك أكثر من منتج في عبوة وحدة
جانا تعليق يقول:
«السعر مرتفع ليش؟ العلاجات اشتريها ب 50 ريال من الصيدلية»
طيب خلنا نحسبها صح الحين:
غسول للحبوب 45 ريال + كريم موضعي للحبة 50 ريال + سيروم للآثار والبقع 90 ريال + مرطب يصلح اللي نشّفوه الاثنين اللي قبله 45 ريال
المجموع يصير = 230 ريال تدفعها كل شهر تقريبًا على منتجات ما تحل لك المشكلة كاملة.
لذلك جمعنا مكونات العناية والترطيب في عبوة وحدة:
✓ 6 مكونات فعّالة ومرطبة
✓ للعناية بمظهر البشرة المعرضة للحبوب وللعناية بمظهر البقع بعد الحبوب
✓ بدون عطور وكحول
✓ بدون هيدروكينون ومواد ضارة
✓ ضمان ذهبي 30 يوم
فإذا جيت تقارن سعر Undo مع غيره أبيك تجيب منتج فيه نفس التركيبة حقتنا مو تجيب جل ساليسيليك لحاله وتقارن لأنك بتكون ظلمت تركيبة قعدنا شهور نطوّرها.
2 لأننا ما طلبنا من أحد يصدقنا
شفنا عميل كاتب:
«كل المنتجات تقول نفس الكلام جربت أشياء كثير وما استفدت شي»
وبصراحة من حقه يقول هالكلام لأننا كلنا تعبنا من الوعود والإعلانات وعشان هالشيء بالذات حطينا أقوى ضمان في السوق يشيل عنك المخاطرة كلها: جربه لمدة شهر كامل ولو ما شفت نتيجة ترجع لك فلوسك كاملة بدون نقاش.
3 لأن سوينا اللي كان يطلبونه عملائنا
سألناكم قبل ما نطلع المنتج وش أهم شي تبونه؟ وهذي كانت ردودكم:
«أبي شي ما يحمر وجهي ويسبب لي حكة»
«كل ما أستخدم شي للحبوب يتقشّر جسمي بشكل فظيع»
«أهم شي ما يخلي مكانه بقعة سوداااا»
وصنعنا بالضبط اللي تبونه: تركيبة للعناية بمظهر البشرة، فيها مكونات مرطبة، وتدخل بسهولة في روتينك بدون خطوات معقدة.
4 لأنه يناسب بشرتك حتى لو حساسة أو دهنية
طلعت لنا تعليقات كثير تسأل نفس السؤال:
«بشرتي حساسة وكل شي أجربه يحمّر وجهي، ينفع لي؟»
«بشرتي دهنية وأخاف يزيدها دهون»
وهذي أكبر مشكلة في أغلب المقشرات: تستخدم أحماض جزيئاتها صغيرة تدخل بسرعة وبقوة فتحرق وتهيّج والنتيجة أثر جديد مكان اللي راح.
عشان كذا اخترنا حمض المانديليك تحديدًا: من الأحماض المستخدمة للعناية بملمس البشرة. ومع الساليسيليك، يدخل ضمن تركيبة Undo للعناية بمظهر البشرة المعرضة للشوائب والبقع.
إذا بشرتك دهنية أو مختلطة أو حساسة، تقدر تستخدم Undo براحتك؛ تركيبته تضم بانثينول وجليسرين للمساعدة في ترطيب البشرة.
5 لأن مكوناته واضحة وخطوات استعماله بسيطة
جانا سؤال متكرر يوضح إن الناس متلخبطة:
«ما فهمت هذا غسول ولا كريم؟ يحتاج غسل ولا يبقى على الوجه؟»
Undo مو غسول ولا ماسك هو على شكل كريم يبقى على بشرتك وما يحتاج غسل.
التركيبة 6 مكونات كل واحد له دور مهم:
1 ساليسيليك 2% ينظّف المسام من الداخل.
2 مانديليك يساعد على تحسين ملمس البشرة ضمن روتين التقشير.
3 نياسيناميد يساعد على تحسين مظهر تفاوت لون البشرة.
4 ألفا أربوتين للعناية بمظهر البقع وتفاوت اللون.
5 + 6 بانثينول و جليسرين عشان بشرتك ما تجف.
طريقة الاستخدام:
- مرة صباحًا ومرة مساءً على بشرة نظيفة.
- يوضع على منطقة الحبوب أو الآثار وما حولها، وعلى مناطق المسام أو الرؤوس الدهنية.
الأسئلة الشائعة:
1. هل فيه كورتيزون؟
لا. أندو خالي تمامًا من الكورتيزون ومن أي مواد ضارة، وما فيه هيدروكينون ولا عطور ولا كحول. وكل مكوناته مكتوبة على العبوة.
2. ينفع للظهر والجسم؟ ولآثار الحبوب في أي مكان؟
إي، مو بس للوجه. ينفع للظهر والصدر والأكتاف وأي مكان في الجسم فيه حبوب أو آثار حبوب، بنفس الطريقة: مرة الصباح ومرة المساء على المنطقة وما حولها.
3. بكم؟ وليش سعره أعلى من اللي في الصيدلية؟ فيه خصم؟
عبوة واحدة بـ199 ريال، وعبوتين + الثالثة مجانًا بـ398 ريال مع لصقات للحبوب بتقنية الهيدروكولويد مجانًا، و3 عبوات + عبوتين مجانًا بـ597 ريال مع جميع الهدايا وشحن فوري ومجاني، والباقات هي أوفر خيار عندنا. واللي في الصيدلية غالبًا مكوّن واحد، وعشان توصل لنفس شغل أندو بتحتاج غسول وكريم موضعي وسيروم للآثار ومرطب، وهذي توصل لحول 230 ريال كل شهر. أندو جمع 6 مكونات في عبوة وحدة، وفوقها ضمان 30 يوم.
4. أحد جرّبه؟ وش النتيجة؟
إي، وتجاربهم موجودة في نفس الصفحة بكلامهم. وعشان ما نطلب منك تصدّقنا بالكلام: جرّبه 30 يوم، وإذا ما شفت فرق نرجع لك فلوسك كاملة.
5. كم حجم العبوة؟ ووش مكوناته بالتفصيل؟
العبوة 100 مل، وفيها 6 مكونات: ساليسيليك أسيد 2% ينظّف المسام من الداخل، ومانديليك أسيد يقشّر بلطف ويحسّن ملمس البشرة، ونياسيناميد يوحّد اللون ويهدّي الاحمرار، وألفا أربوتين يخفّف البقع الداكنة، وبانثينول وجليسرين يرطّبون عشان ما تنشف بشرتك.
6. كيف أطلبه؟
من صفحة المنتج: اختر الباقة اللي تناسبك، واضغط زر الشراء، وكمّل عنوانك وطريقة الدفع. ويوصلك تأكيد الطلب على جوالك.
7. توصلون لمدينتي؟ وتوصلون برا السعودية؟
داخل المملكة نوصل لجميع المناطق خلال 2 إلى 4 أيام عمل. الشحن مجاني على باقة الـ5 عبوات، وعلى عبوة واحدة وباقة الـ3 عبوات 19.99 ريال. ونوصل بعد لدول الخليج، ورسوم ومدة الشحن لدولتك تطلع لك في صفحة الدفع.
8. فيه تابي أو تمارا؟
حاليًا لا. تقدر تدفع بمدى أو البطاقة الائتمانية أو STC Pay. وإذا تبي أوفر سعر للعبوة، باقة الـ5 عبوات يبلغ متوسط سعر العبوة فيها 119.40 ريال.
9. يشيل آثار الحبوب القديمة؟ والحفر؟
الآثار الداكنة (البني والأحمر) إي، يشتغل عليها بالتدريج بالنياسيناميد والألفا أربوتين، وتحتاج من 4 إلى 8 أسابيع لأن الصبغة تخف شوي شوي. أما الحفر فنقولها لك بصراحة: هذي نقص في أنسجة الجلد وتحتاج تدخل طبي مثل الليزر، وأندو ما يعالجها.
10. آمن ومصرّح؟ ممكن يهيّج بشرتي أو يزيد الحبوب؟
صناعة سعودية ومسجّل في هيئة الغذاء والدواء برقم CN-2026-125489، وفيه بانثينول وجليسرين للترطيب عشان ما ينشّف بشرتك. ولأن فيه ساليسيليك ومانديليك، بعض البشرات تحس بوخز أو احمرار خفيف أول أيام ويخف مع الاستمرار. وإذا بشرتك حساسة جرّبه على مساحة صغيرة أول، ولو تهيّجت بشكل واضح وقّف وكلّمنا.
11. يناسب نوع بشرتي؟ خصوصًا المختلطة؟
إي. مصمم أساسًا للبشرة الدهنية والمختلطة اللي تطلع فيها حبوب، ويناسب الحساسة لأننا اخترنا المانديليك وهو من ألطف الأحماض. ونفس التركيبة للرجال والنساء، من عمر 12 سنة وفوق.
12. هو كريم ولا مقشّر؟ وأحتاج معه سيروم أو منتجات ثانية؟
كريم يبقى على بشرتك وما يحتاج غسل، وفيه أحماض تقشير لطيفة داخل نفس الكريم. فما تحتاج مقشّر ثاني ولا سيروم للآثار، يكفيك معه غسول لطيف.
13. كيف أستخدمه؟
مرة صباحًا ومرة مساءً على بشرة نظيفة، يوضع على منطقة الحبوب أو الآثار وما حولها، وعلى مناطق المسام أو الرؤوس الدهنية.
14. ينفع للمسام والرؤوس السوداء والبيضاء؟
إي. الساليسيليك 2% يدخل المسام وينظّف الدهون المتراكمة فيها، عشان كذا حطه على مناطق المسام والرؤوس الدهنية مرة الصباح ومرة المساء.
15. متى أشوف نتيجة؟
الحبوب عادة تبدأ تهدأ خلال أول 2 إلى 3 أسابيع، والآثار تحتاج من 4 إلى 8 أسابيع. وأهم شي الاستمرار مرة الصباح ومرة المساء.
16. وإذا ما نفع معي؟
عندك ضمان ذهبي 30 يوم: إذا ما شفت فرق كلّمنا ونرجع لك المبلغ كامل.
17. أستخدمه مع منتجاتي الثانية؟
عادي مع الغسول والمرطب وواقي الشمس. بس لا تجمعه مع ريتينول أو مقشّر ثاني بنفس الوقت.
