تخطي الطلاق والنهوض من الأزمات
55ر.س
Product description
أنا تطلقت بعد زواج دام 9 سنوات وخسرت تقريباً كل شيء
وخرجت من الزواج بشنطتين فقط فيها احتياجاتي الأساسية
وأعرف تماماً كيف يكون شعور الأيام والأسابيع وحتى الشهور الأولى بعد الطلاق
الصدمة
الإنكار
الخوف
الحزن
الغضب
الحنين
والإحساس أن الحياة كلها تغيرت فجأة
وأعرف كيف يكون شعور إنك تحاول تفهم اللي صار
وتحاول تجمع نفسك
وتبدأ يومك بنفس الأسئلة ونفس التفكير ونفس المشاعر
وتنتظر الوقت يخفف الألم لكن الأيام تمر وما يتغير الشيء اللي كنت تتمنى يتغير
وتعبت من إنك تدور على إجابات ما لها نهاية
كيف صار كذا
وليش صار
وأنا وش سويت
وبأيش غلطت
وهل كنت سيئ لهالدرجة
وهل فعلاً كنت قليل القيمة
وهل كان استبدالك أسهل مما كنت تتخيل
ويمكن أكثر شيء يستنزفك إنك تظن إن الوقت لحاله بيحل كل شيء
فتنتظر أسبوع
وشهر
وأحياناً سنة أو أكثر
بينما نفس الأسئلة ونفس الذكريات ونفس الألم ما زالت ترجع لك كل يوم بشكل مختلف
ومع الوقت تكتشف إن المشكلة مو في مرور الوقت
المشكلة إنك للحين ما عرفت كيف تتعامل مع اللي يصير داخلك بالطريقة الصحيحة
ولهذا السبب كتبت هذا الكتاب
مو كشخص يشرح من الخارج
ولا كشخص يكتب كلاماً نظرياً
بل كشخص عاش هذه المرحلة بكل تفاصيلها ثم تجاوزها خطوة خطوة
اليوم صار لي 11 سنة بعد الطلاق
وخلال هذه السنوات تعلمت أشياء كثيرة كنت أتمنى أحد يعلمني إياها من البداية
تعلمت كيف أتعامل مع الخوف بدل ما أتركه يقود حياتي
وكيف أتعامل مع الحزن بدل ما أغرق فيه
وكيف أتعامل مع الحنين والذكريات بدون ما أرجع لنقطة الصفر
وكيف أتعامل مع الأسئلة اللي ما تنتهي
وكيف أوقف الدوران العقلي اللي يستنزف الشخص يوم بعد يوم
وكيف أحط حدود للناس
وكيف أستعيد نفسي
وكيف أبني حياة جديدة من جديد
داخل الكتاب بتلقى شرح عملي لأكثر المشاعر والأسئلة اللي يمر فيها الشخص بعد الطلاق وكيف يتعامل معها خطوة خطوة
بتفهم ليه الألم يرجع فجأة رغم مرور الوقت
وليه الحنين يستمر أحياناً ويداهمك في الأوقات الغلط
وليه بعض الأسئلة تستمر تدور في العقل شهور أو سنوات
وبتتعلم كيف تتعامل مع الذكريات والمناسبات والأسئلة المتكررة والخوف والغضب وتأنيب النفس بطريقة عملية وواقعية
الهدف مو إن كل المشاعر تختفي بين يوم وليلة
الهدف إن هالمشاعر توقف عن التحكم بحياتك
وإنك تسترجع هدوءك بشكل أسرع بدل ما تظل عالق سنوات في نفس الدائرة
وتوصل لمرحلة الذكريات ما تسيطر على يومك
والماضي بأحداثه ما يعود يستهلكك كل يوم
وتشوف مستقبلك بهدوء وثقة أكثر
وتقدر تبني حياتك من أول وجديد وتعيش براحة أكبر
لأن أجمل شيء ممكن توصل له بعد الطلاق مو إنك تنسى اللي صار
أجمل شيء إنك تتذكره بدون ما يوجعك بنفس الطريقة
وتصحى الصباح بدون ذاك الثقل اللي كان يرافقك كل يوم
وترجع تضحك من قلبك
وترجع تستمتع بأبسط الأشياء
وترجع تحس إن حياتك رجعت لك مرة ثانية
إذا وصلت لهذي المرحلة بتعرف إنك ما تجاوزت الطلاق فقط
أنت استرجعت نفسك
إذا كنت تعيش نفس الدائرة من التفكير والذكريات والمشاعر بعد الطلاق، هذا الكتاب كتبته لك عشان يساعدك تفهم وش يصير داخلك وكيف تتعامل معه خطوة بخطوه
