أصل الطلب
179ر.س
Product description
مو كل شيء تدورين عليه برا سببه الناس
أحيانًا إلحاحك على الاعتراف فيك يكشف انك للحين ما اعترفتي بقدراتك
وأحيانًا بحثك عن الاهتمام يكشف انك ما عرفتي حدودك
وأحيانًا احتياجك المستمر للطمأنة أو الاختيار أو التقدير يكون مجرد انعكاس لشيء ناقص بينك وبين نفسك
أصل الطلب برنامج لمدة 7 أيام بيرجعك خطوة لورا عشان تشوفين وش اللي فعلًا قاعدة تطلبينه من العالم وليه
خلال الأسبوع بتتعلمين تقرين سلوكك واحتياجاتك بطريقة أعمق
وتكتشفين وين النقص اللي تحاولين تعوضينه من برا
وش الشيء اللي صار اعتمادك فيه على الآخرين أكبر من اعتمادك على نفسك
وكيف تبدأين تبنينه داخلك بدل ما يظل يومك وعلاقاتك ومزاجك متعلقين بوصوله من أحد
هذا البرنامج مو عشان نلغي احتياجك للناس
ولا عشان نقنعك انك لازم تستغنين عن كل أحد
هو عشان تعرفين الفرق بين شيء تبينه من شخص بشكل طبيعي
وشيء صرتي تحتاجينه منه عشان تحسين بقيمتك أو أمانك أو كفايتك
بنهاية الأسبوع بيكون عندك وضوح أكبر عن أصل كثير من طلباتك وردود فعلك واختياراتك
وبداية مختلفة لعلاقتك بنفسك وبالناس من حولك🌟
