دورة التعافي

🧠 Digital Detox | استعد وعيك

برنامج تعافٍ مكثّف ومخصّص لك أنت فقط مو خطة عامة للجميع.

هل تعبت من إنك تمسك جوالك لدقائق، وفجأة تكتشف إن ساعات من يومك راحت بين التيك توك والريلز؟ هل صرت تتشتت بسرعة، وتؤجل مهامك، وتلقى صعوبة في القراءة والمذاكرة؟ أو تلجأ للمقاطع والتخيلات كلما طفشت أو تضايقت؟

يمكن حاولت تخفف، وحذفت التطبيقات، ووعدت نفسك إنك تتغير، لكنك رجعت لنفس الدوامة.

مو المطلوب منك تحذف التطبيق وخلاص؛ المطلوب تفهم وش اللي يخليك ترجع له، وتتعلم كيف تغيّر نمطك بطريقة تناسبك أنت.

✦ وش يميّز برنامج استعد وعيك؟

هذا مو كورس عام يعطي الجميع نفس النصائح والخطوات. نبدأ بفهم مشكلتك أنت، وطبيعة استخدامك، والصعوبات اللي تواجهك، وبعدها نحدد احتياجاتك وأولوياتك ونبني خطة عمل تناسب حالتك.

لأن الشخص اللي يعاني من الاستخدام القهري للمقاطع مو بالضرورة يواجه نفس مشكلة الشخص اللي يهرب من مشاعره أو ينغمس في التخيلات لساعات. عشان كذا، ما نبي نطبق حلًا واحدًا على الجميع.

وش يشمل البكج؟

🧠 برنامج التعافي الرقمي

تدريبات عملية تساعدك تشتغل على عادات المشاهدة، والتحكم في الرغبة بفتح التطبيقات، واستعادة التركيز تدريجيًا، والتعامل مع المحفزات اللي تخليك ترجع لنفس السلوك.

📝 تقييم وخطة شخصية

نفهم نمطك واحتياجاتك، ونحدد الجوانب اللي تحتاج تشتغل عليها بدل ما تضيع وقتك في نصائح ما تناسب مشكلتك.

📚 كتب تعفّن الدماغ

كتب إلكترونية تساعدك تفهم المشكلة بشكل أعمق، وتكون مرجعًا لك خلال رحلتك.

💬 استشارة فردية

لمناقشة حالتك وأهدافك والصعوبات اللي تواجهك، وتحديد الخطوات المناسبة لك ضمن حدود البرنامج.

🔎 متابعة شخصية

لمراجعة تطبيقك، ومناقشة العقبات اللي واجهتك، وتحديد ما يحتاج إلى تعديل خلال فترة البرنامج.

⏳ مدة البرنامج والاستشارة والمتابعة

مدة البرنامج المكثف والاستشارة والمتابعة الشخصية 5 أيام فقط.

خلال هالفترة، تحتاج تكون جادًا في المشاركة وتطبيق الخطوات المتفق عليها، والاستفادة من التوجيه والمتابعة المتاحة لك.

بعد انتهاء الأيام الخمسة، تنتهي فترة الاستشارة والمتابعة، وتكمل تطبيق خطتك بنفسك، باستخدام الأدوات والمعرفة اللي اكتسبتها خلال البرنامج.

انتبه: الأيام الخمسة هي مدة البرنامج المكثف والمتابعة، وليست وعدًا بالتعافي الكامل خلالها. بناء العادات الجديدة واستعادة التركيز يحتاجان إلى الاستمرار والممارسة بعد انتهاء البرنامج.

⚠️ قبل الاشتراك، اقرأ هالكلام

أبيك تدخل البرنامج وأنت فاهم إن دوري أساعدك وأوجّهك وأوفر لك الأدوات والخطوات المناسبة، لكن ما أقدر أغيّر عاداتك نيابةً عنك.

إذا كنت تتوقع إنك بمجرد شراء البكج راح تتغير حياتك دون تطبيق أو التزام، فالبرنامج مو مبني على هالفكرة.

أما إذا كنت مستعدًا تشتغل على نفسك بجدية، وتكون صادقًا في تقييم سلوكك، وتطبق التدريبات وتستمر عليها حتى بعد انتهاء المتابعة، فالبرنامج يساعدك تبدأ رحلتك بخطة واضحة بدل المحاولات العشوائية.

عدم الالتزام بالتطبيق قد يقلل استفادتك، والنتائج تختلف من شخص لآخر. وفي المقابل، نلتزم بتقديم المحتوى والاستشارة والمتابعة الموضحة في البكج، وتبقى حقوقك النظامية وسياسة الإلغاء والاسترداد المعتمدة سارية.

هدفنا مو إنك تعتمد عليّ إلى الأبد؛ هدفنا إنك تتعلم كيف تفهم نمطك، وتتعامل معه، وتواصل العمل على نفسك باستقلالية بعد انتهاء الأيام الخمسة.

البرنامج تدريبي وتثقيفي، وليس بديلًا عن التشخيص أو العلاج النفسي لدى مختص مرخص. وإذا كانت لديك صعوبات شديدة أو مستمرة تؤثر في حياتك، فقد تحتاج إلى تقييم متخصص.