صابونة الباشا ( قطعة واحدة )
79.99ر.س
وصف المنتج
الباشا وصل.. عدّل جلستك يا كفو! 👑
خلك رجال.. والباقي سهالات! 🪵
مو كل من لبس شماغ وثوب قال أنا باشا،
ومعليش.. مو كل صابونة حطيت عليها ريحة ورد ودلع حريم صارت من دكتور عود.
نقدم لك الباشا.. صنفنا الجديد للمطانيخ ورجال الشدائد!
جاي بعد "البرجوازي"، بس لا تفهم الموضوع غلط… مو بديل عنه، ولا نسخة منه، ولا أخوه اللي بس غيرنا له التغليف عشان نلعب عليك.
هذا له مجلسه.. وهذا له علومه!
لأن الباشا.. مو لأي أحد، هذه للباشا!
🛑 تنبيه قبل ما تطب المجلس:إذا داخل تدور على:
ريحة "ناعمة مرّة" وتدغدغ المشاعر ❌
شيء كيوت وحليل تحطه جنب الشموع ❌
صابونة لونها يناسب ديكور الحمام والإضاءة الخافتة ❌
تجربة "سبا" مع صوت عصافير وموية تصب ❌
الله يحييك ويستر عليك… بس شكلك ضايع وداخل المجلس الغلط! ✋
هنا صوابين للرجال النشامى فقط. خلك رجال واعرف وش تختار.
وش سالفة صابونة الباشا؟ 👑
بعد ما دخل "البرجوازي" السوق وقال كلمته، كان ممكن نهدّي اللعب ونعيش على أمجادنا.. بس الهدوء الزايد والروتين ما هو من طبعنا في دكتور عود.
فقلنا نجيب واحد ما يحتاج يرفع صوته عشان الناس تسمعه.. واحد إذا دخل المجلس.. تعدّلت الجلسة من نفسها. وسميناه: البــاشــا!
الباشا ما يحاول يثبت لك إنه رجال.. هذي المرحلة خلص منها من زمان! تدخل الشاور إنسان عادي مهدود حيله.. تطلع وعندك استعداد تحل مشاكل العائلة والقبيلة كلها! (ما نضمن إن حلولك صحيحة، بس الهيبة والرجولة جالس تتساقط منك تقطير 🤝).
تبي الصدق؟ تروش زي الباشا مو زي أي أحد!
وش ريحته؟ (هنا العلم السويسري الثقيل)
ما حطينا لك أي ريحة والسلام.. الباشا ملغّم بـ زيوت عطرية سويسرية فاخرة بداخل الصابونة نفسها، تعامل جسمك معاملة العطر الفخم مو مجرد صابون غسيل!
قمة العطر (البداية):
زهر البرتقال، جوزة الطيب، والفلفل الإفرنجي الحار
قلب العطر (الرزانة):
سوسن أوريس، زبدة السوسن، وزهر البرتقال الفرنسي
قاعدة العطر (الأخشاب):
فانيليا Ambofix، بنزوين «الجاوي»، باتشولي، وأخشاب عتيقة
النتيجة؟
تبدأ معك حادة وفخمة، بعدها تهدأ على طابع مرتب وثقيل، وتختم بأخشاب ودفء وثبات سويسري يعرف شغله صح.
الباشا لمن؟ 🚷 (للرّجال الكفو فقط)
نختصرها لك وبدون لف ودوران:
للرجال اللي علومهم غانمة وشيمتهم الرجولة.
للنشمي اللي إذا قال "تم".. تمت وفزعته تسبق كلامه.
للمطنوخ اللي وجوده يكفي عن كثرة الحكي.
للرجل الكفو اللي يبيض الوجه في كل محفل.
للي يعرف إن الباشا مو لأي أحد، هذه للباشا.. والهيبة ما تنشرى، بس الصابونة تنشرى!
وآخر العلم… 🧯
بدأناها بـ البرجوازي.. واليوم دخل الباشا.. وبكرة؟ خل السوق والمنافسين هم اللي يقلقون، مو أنت!
دكتور عود مو جاي يكثر أصناف ويحشي الرفوف كلام فاضي.. كل صابونة تنزل عندنا لازم يكون لها اسم، شخصية، وسالفة ثقيلة، وعطر سويسري يثبت وجوده.
خلك رجال.. وتروش زي الباشا مو زي أي أحد! 🪵👑
من الرياض