هذا المنتج مو لكل الناس... ويمكن يكون مو مناسب لك .

إذا هدفك تحافظ على موكيت الوكالة بدون فك المراتب، وتبي منتج عملي بسعر اقتصادي، فهذا المنتج معمول لك.

أما إذا كنت تدور على أعلى جودة موجودة في السوق مهما كان سعرها، أو ناوي تلبّس أرضية السيارة جلد كامل، فأنصحك تشوف خيار ثاني.

ليش أقول لك كذا؟

لأني أبغى تكون عارف وش بتشتري قبل تدفع ريال واحد.

هذا المنتج مو مناسب لك إذا:

1. أنت مقتنع بفك المراتب وتلبيس أرضية السيارة جلد كامل.

2. أنت تدور على أعلى جودة موجودة في السوق.

وأعرف إنك ممكن نزلت السوق وشفت منتجات جودتها أعلى، لكن أسعارها أعلى أيضًا.

أما إذا كنت تتوقع تحصل أعلى جودة بأرخص سعر، فخلني أكون معك صريح... هذي معادلة غير واقعية، وهذا المنتج مو لك.

بعترف لك

إذا اعتبرنا أعلى جودة في السوق 10 من 10، فأنا أعتبر جودة منتجنا 7 من 10.

لكن بالمقابل، تحصل على سعر اقتصادي وقيمة ممتازة مقابل اللي تدفعه.

قبل ما تشتري... بقولك 3 أسرار

السر الأول

ليه تدفع مبلغ كبير على منتج استهلاكي تدعسه برجلك كل يوم؟

السر الثاني

حتى المنتجات اللي يقولون إنها أعلى جودة، مع الوقت والاستخدام يبدأ الجلد يتغير أو يتقشر.

في النهاية، عمر المنتج يعتمد بشكل كبير على استخدامك واهتمامك بنظافة السيارة.

السر الثالث

إذا سيارتك جديدة، طبيعي تكون حريص عليها.

لكن لا تخلي هالحرص يخليك تدفع مبلغ كبير على منتج استهلاكي، لأن بعد سنة أو سنتين راح تتعامل مع السيارة بشكل طبيعي.

إذا كنت تدور على أفضل قيمة مقابل السعر، فأنت غالبًا وصلت للمنتج المناسب.

مواصفات المنتج

الجلد يتكون من 4 طبقات بسماكة 12 ملم:

• جلد.
• إسفنج.
• عازل.
• بطانة.

التغطية

التلبيسة تغطي:

• السائق.
• الراكب الثاني
• الصف الثاني .
• الصف الثالث .
• الشنطة .
• ظهريات المرتبة الثالثة

وتغطي الموكيت الظاهر وتحافظ عليه من الاستخدام اليومي والأوساخ.