لعبة طنجرة ولقت غطاها (اصدار المؤسسين)

جاهزين تضيفون للمّتكم ضحك وإبداع ؟

طنجرة ولقت غطاها هي لعبة رسم وتخمين سعودية تجمع الأهل والأصحاب وتغيّر جو اللمة.

كيف تلعبونها؟

الفكرة بسيطة ورهيبة! كل لاعب يسحب كرت طنجرة وكرت غطا ويجمع الكلمتين في رسمة وحدة خلال وقت محدد. بعدها تخبصو الكروت وتعرضو الرسمات على المخمّن ويحاول يعرف الطنجرة وغطاها لكل رسمة!

كل كلمة يخمّنها صح تعطي صاحب الرسمة نقطة، وبيعطي نقطة اضافية لأكثر رسمة إبداعية في كل جولة! (وعلى فكرة هذي بس طريقة وحدة! اللعبة مرنة وفيها أفكار كثيرة للعب فردي، ثنائي، فرق ... على حسب مزاج لمّتكم).

محتويات اللعبة:

٣٠ كرت طنجرة

٣٠ كرت غطا

٦ كروت رسم

٦ أقلام رسم

ليش متأكدين انه بتعجبكم طنجرة ولقت غطاها ؟

• لعبة تشبهنا وقريبة لقلبنا : صممناها بروح وبصمة سعودية. من الاسم للرسم لاختيار الكلمات.
• كروت على شكل طنجرة وغطا : قص مخصص للكروت يخلي فكرة اللعبة حاضرة حتى في القطع اللي تمسكونها وتلعبون فيها ويعطيكم تجربة مختلفة وممتعة.
• ٩٠٠ تركيبة ممكنة : بسبب وجود ٣٠ كرت طنجرة * ٣٠ كرت غطا كل جولة بتطلع لكم بفكرة مختلفة، وحتى لو تكررت الكلمات كل شخص بيرسمها بخياله وطريقته.
• مو لازمّ تكونوا رسامين : شطحاتكم وطريقتكم في توصيل الفكرة ممكن تكون سبب فوزكم!
• ارسموا، امسحوا، وكرروا : ٦ كروت رسم قابلة للمسح ومعها ٦ أقلام سبورة عشان تلعبون مرة بعد مرة.

إصدار المؤسسين والنجمة الذهبية :

سوينا ٥٠ حبة بس لأننا حابين يجربوها ناس مننا وفينا يشاركونا انطباعاتهم وآرائهم عشان نطور ونحسن الإصدار الجاي سوا بإذن الله!

وداخل علبة وحدة بس من بين الخمسين علبة خبينا نجمة ذهبية، والمحظوظ اللي بيفتح العلبة ويلقى النجمة بيكسب معنا أول إصدار من كل لعبة جديدة نطلقها في كارتيفيا مجاناً!

ملاحظة حول الإصدار: هذا إصدار تجريبي محدود، وممكن تلاحظوا اختلاف بسيط في زوايا قص الكروت.

جاهز تكون من المؤسسين وتشاركنا نبني اللعبة ؟ اطلب لعبتك اللحين قبل تنفذ الخمسين علبة!