جلسة: الزُهرة - تشافي الأنوثة.

طاقة الأنوثة في أصلها مو مجرد مظهر، الأنوثة هي طاقة “استقبال، سكون، ومغناطيسية فطرية”.

أغلبنا لما نمر بعلاقات تستهلكنا، أو نعيش فترات نضطر فيها نثبت أنفسنا وندافع عن مكانتنا، نلقى نفسنا لا شعوريًا دخلنا في طاقة ذكورة دفاعية؛ نصير حنا اللي نبادر طول الوقت، حنا اللي نركض، ونربط قيمتنا بكمية التنازلات اللي نقدمها عشان نحس بالأمان وإننا ننحب.

هذا الضغط ما يروح كذا بالهوا؛ يتخزن مباشرة في مركز الأنوثة عندنا: شاكرة الرحم والقلب.

تتكون هناك بلوكات ومشاعر خذلان قديمة تقفل طاقة الاستقبال تمامًا، فتلقين نفسك طول الوقت في حالة تأهب ومجهود، ومو قادرة ترتاحين وتستقبلين ببساطة.

عشان كذا، بيكون عندنا: جلسة الزهرة لتشافي جانب الأنوثة 🌸.

هذي الجلسة موجهة لتنظيف وتفريغ هالرواسب من الرحم ومسارات الأنوثة، عشان يرجع جسدك لحالته الطبيعية: متزن، مسترخٍ، ومستعد يستقبل.

سر التوقيت: رصد فلكي.

هذي الجلسة مو مجرد وقت عشوائي، حنا مرتبينها على "رصد فلكي".

وفيه قاعدة معروفة ومهمة في الفلك والطاقة تقول:

"لكل تردد مفتاح، ومفتاح الكوكب هو وقته وساعته."

حنا بنشتغل على طاقة الزهرة في:

• يوم الجمعة: اليوم اللي تحكمه الزهرة فلكيًّا.

• ساعة الزهرة تحديدًا (الساعة 8:00 بتوقيت الرياض): الوقت اللي يتركز فيه تردد هذا الكوكب، ويكون الحقل الطاقي مفتوح ومهيأ للشفا بدون مقاومة، كأنك توجهين الشغل لمكانه الصح بالملي وبأقل جهد.

لمين هذي الجلسة؟

الجلسة هذي جاية لك بالتمام إذا:

• عندك زهرة صعبة بخريطتك: زهرة بوبال (زي الحمل أو العقرب)، أو بهبوط (زي العذراء)، وتحسين دايم إنك تبذلين أضعاف اللي تاخذينه في العلاقات.

• عندك اتصالات وزوايا ضاغطة: تربيعات أو مقابلات مع كواكب ثقيلة (زي زحل أو بلوتو) مسببة لك خوف من الرفض أو تكرار لسيناريوهات مؤلمة.

• حاسة طاقة الاستقبال عندك مقفلة: طول الوقت تعطين وتبادرين، ومو قادرة تسمحين لنفسك تعيشين الأنوثة المسترخية اللي تستقبل التقدير والحب بيسر.

وش بنشتغل عليه بالبرانيك هيلينغ؟

• تنظيف شاكرة الرحم والقلب: تنظيف عميق لسحب الصدمات، وطاقات الخذلان القديمة المخزنة بمركز الأنوثة.

• قطع الأحبال الأثيرية: تحرير هالتك من الروابط اللي ما زالت تسحب من طاقتك وحيويتك من علاقات سابقة.

• إعادة موازنة وشحن مسارات الأنوثة: تغذية الشاكرات بالبرانا المتخصصة وتجذير حقل طاقي متوازن يساعدك ترجعين لترددك الطبيعي.

ليش التزامن مع تراجع الزهرة فرصة ممتازة؟

لأننا في أول أسبوع من الدورة القمرية.

ولأننا نعيش حاليًا فترة تراجع الزهرة، والتراجع دايم يعيد فتح الملفات القديمة ويطلّع البلوكات العاطفية على السطح عشان تترتب وتتنظف.

فلما ندمج هذا الرصد المعالج وسط التراجع، نكون استغلينا هذا الانفتاح الطاقي عشان ننظف الجذور نفسها ونتحرر من أنماط قديمة خدمت وقتها وانتهت.

تفاصيل الجلسة ✨:

- الجمعة 16 أكتوبر.

- الساعة 8:00 مساءً بتوقيت السعودية

- نص ساعة تقريبًا للجلسة، بث مباشر عبر القناة

ملاحظة: ما تحتاجون خبرة سابقة، والجلسة تشتغل عليكم حتى لو كنتم مستمعين بس.