أثـر اليوم

أثر اليوم مو برنامج يعلمك كيف ترتبين جدولك ولا كيف تصيرين أكثر إنجاز

هو أسبوع يخليك تشوفين يومك بطريقة مختلفة تمامًا

لأن يومك مو مجرد ساعات تعدي ومهام تخلصينها

يومك هو المكان اللي تتكرر فيه علاقتك بنفسك

فيه تعرفين هل وعودك لنفسك لها قيمة

هل مزاجك يقودك أو أنت تقودين يومك

هل تعرفين ترجعين بعد اللخبطة

وش الأشياء اللي تسمحين لها تتكرر

وش الأشياء الصغيرة اللي بدون ما تنتبهين قاعدة تبني شخصيتك وحياتك

خلال سبعة أيام بنفكك اليوم نفسه

مو عشان ناخذ النتيجة ليوم مثالي

لكن عشان تعرفين وش قاعد يومك يدربك عليه كل مره

لأنك ما تصيرين فجأة النسخة اللي تبينها

انتي تصيرين نتيجة الأيام اللي تكررت عليك

وفي نهاية الأسبوع ما راح تطلعين بجدول جديد تمشين عليه كم يوم وتتركينه

بتطلعين بفهم أوضح لليوم اللي يشبهك

وللأشياء اللي إذا حافظتي عليها حتى وسط الفوضى تعرفين انك ما زلتي في صفك

مو كل يوم يغير حياتك

لكن كل يوم يدربك على حياة معينة 🌟