عدسـة الفراغ
199ر.س
وصف المنتج
عدسة الفراغ | برنامج تدريبي تطبيقي لمدة 14 يوم
مو كل شي يدخل حياتك لانك تحتاجينه
بعض الاشياء تدخل فقط لان فيه مساحة فاضية
عدسة الفراغ برنامج يشتغل على
علاقتك بالوقت اللي ما يكون فيه حدث يشغلك ولا شخص تنتظرينه ولا شي لازم تسوينه
لان الفراغ احيانا يكبر اشياء كانت اصغر من كذا
يخلي موقف ياخذ من يومك اكثر من حجمه
ويخلي شخص يصير محور تفكيرك
ويخليك تفتحين الجوال او تتواصلين او تشترين او تبدين شي جديد
فقط لانك ما عرفتي وش تسوين بالمساحة اللي ظهرت فجاة
خلال 14 يوم بنشوف وش يطلع منك اول ما تهدأ الحياة شوي
وش الشي اللي تروحين له تلقائيا
وش الشعور اللي تحاولين تغطينه
وش الفرق بين احتياج حقيقي وبين محاولة سريعة لسد الفراغ
ومتى يكون الشي اللي يشغلك فعلا يضيف ليومك ومتى يتركك بعده اكثر فراغ
البرنامج مختلف عن البرامج السابقة
فيه عدسات تطبيقية وصوتيات قصيرة
وتجارب تعيشينها داخل يومك
وبينها ايام مساحة وتثبيت بدون محتوى جديد
لان جزء من الرحلة انك تتعلمين تعيشين المساحة نفسها بدون ما تبحثين فورًا عن شي يملأها
بنهاية البرنامج بتكون عندك خريطة اوضح لعلاقتك بالفراغ
وتعرفين متى المساحة تخدمك ومتى تبدأ تسحبك لتفكير او تعلق او استهلاك ما كنتي تحتاجينه من البداية
الهدف مو اننا نعبي يومك اكثر
الهدف انك تعرفين وش يستحق يدخل مساحتك ووش تقدرين تتركينه يمر
البرنامج تدريبي تعليمي في الوعي والمهارات اليومية وليس تشخيصا او علاجا نفسيا ولا يغني عن المختص عند الحاجة
