نشر تطبيقك على الإنترنت، تنفيذ كامل
9500ر.س
وصف المنتج
بنيت تطبيقك بأدوات الذكاء الاصطناعي، وجربته، وشغّال. الحين جا السؤال الصعب: كيف يوصل لعملائك بدون ما يطيح، أو تضيع بياناتهم، أو تجيك فاتورة ما حسبت حسابها؟
أستلم التطبيق منك، وأطلعه شغّال على الإنترنت، و أسلمك مشروعك وأنت فاهم وش صار.
وش تستلم
- تطبيقك شغّال على اسم موقعك أنت، و بالأمان اللي يطمّن عملاءك في المتصفح
- بيانات عملائك محفوظة، ومعها نسخة احتياطية يومية
- كلمات السر محفوظة بمكان آمن، مو مكتوبة داخل التطبيق
- رسالة توصلك لو وقف التطبيق، أو لو الفاتورة قربت من الحد اللي تحدده
- ملف تسليم بالعربي: وش انبنى، ووين، وكم يكلفك بالشهر، ووش تسوي لو صار شي
قبل ما نبدأ
أراجع تطبيقك أول. لو طلع ما يشتغل أو يحتاج إصلاحات قبل النشر، أرجّع لك مبلغك كامل. والشغل يبدأ بعد ما توصلني تفاصيل مشروعك، ويشمل جولتين تعديل على التسليم.
وش ما يشمل
تعديل التطبيق نفسه أو إصلاح أخطائه، وتصميم الشكل، والمتابعة بعد التسليم (هذي اتفاق شهري منفصل).
المطلوب منك
التطبيق شغّال عندك، وحساب استضافة باسمك. لو ما عندك حساب أساعدك تفتحه. الفاتورة تجيك أنت مباشرة، والحساب ملكك، وما أحد يقدر يقفل عليك مشروعك.
المدة: ١٠ أيام عمل من استلام التطبيق.
مو متأكد إن تطبيقك جاهز؟ جرّب أول «مقياس جاهزية تطبيقك»، مجاني وياخذ خمس دقايق.
كل شي يتسلّم موثّق باسمك، والحساب ملكك من أول يوم. ما فيه شي مقفول عليك.
أسئلة قد تجي في بالك
ماهي المتاجر الصاعدة؟
هي متاجر جديدة أثبتت جودتها وكسبت ثقة العملاء، بس ما حصلت على تقييمات كثيرة حتى الآن، لكن لها مستقبل واعد!

