لوحه جبسيه بتصميم تشكيلي مميز

الجدار الطويل دايم يوهّق في التأثيث.. بس هنا الحل.

معضلة المساحة الفاضية فوق الكنب المتصل أو البوفيه العريض انتهت. هذي اللوحة صممناها خصيصاً عشان تملأ هالمساحات بـ شراحة مو بس بألوان. خلفية بيضاء صافية، يقطعها سرب من الطيور المنحوتة (بارزة 3D) طايرة بحرية، وتاركة وراها "مسار" طويل من النقاط البارزة اللي تشبه رذاذ الماء أو أثر الهواء.

اللوحة هادية جداً، ألوانها (أبيض في أبيض مع لمسة لؤلؤي/شامبين خفيفة)، وهالشيء يخليها تعطي "وسع" للمكان وتشرح الصدر، وتكسر حدة الجدران الصامتة بدون ما تسوي "زحمة ألوان".

ليش هذي اللوحة بالذات ؟

• توسع المكان: معروف إن اللوحات العرضية (البانوراما) تعطي إيحاء إن الغرفة أكبر وأعرض مما هي عليه.
• فن ملموس: الطيور والنقاط مو رسم.. هذي "بارزة". يعني لو سلطت عليها إضاءة سبوت لايت، بتشوف لها ظلال خفيفة تعطيها فخامة وواقعية.
• جوكر التنسيق: لأن ألوانها فاتحة ومحايدة، تمشي مع أي لون كنب عندك (رمادي، بيج، كحلي، بني).. ركبها وأنت متطمن.

نقطة مهمة:

التفاصيل الدقيقة تبي لها (روقان).. والجودة ما تحب العجلة.عشان نطلع مسار النقاط بهذا الترتيب، وننحت الطيور بهذي الانسيابية، الحرفيين عندنا ياخذون وقتهم في الشغل اليدوي فالأفضل تطلبها بدري.

لا تخلي طلبك لآخر لحظة قبل المناسبة. احجزها اليوم، وخلنا نشتغلها لك برواقة عشان توصلك تحفة تبيض الوجه وتجمل مجلسك.

وش يوصلك؟

العمل: لوحة فنية بارزة بتصميم طيور ومسار منقط.

الإطار: برواز نحيل جداً (شامبين/ذهبي مطفي) عشان ما يضيق على الرسمة ويمكنك اختيار لون الإطار كيف ما تحب.

المكان المقترح: (فوق الكنب الطويل، بوفيه الطعام، أو الممرات العريضة).

خدمتنا لك:

شحن مؤمّن: لا تشيل هم، تغليفنا مصفح ونضمن لك توصلك سليمة.

تفصيل بالمقاس: مجلسك كبير بزيادة؟ صور لنا الجدار واتساب ونفصلها لك بالمقاس اللي يغطيه صح او اي تصميم ببالك نسوية لك.