بطاقات إهداء لمشروعك 🎁

بطاقة الإهداء تبيع لكم قبل المناسبات 🎁

العميل يشتري البطاقة ويهديها، واللي يستلمها يطلب منكم بقيمتها. مثالية لرمضان والعيد ويوم الأم والتخرج والمواليد.

✦ وش يوصلكم؟

• تصميم الوجه بهوية مشروعكم (الشعار والألوان والشخصية لو عندكم)، بلون مختلف لكل قيمة

• الظهر: «إلى» و«من»، ورقم البطاقة وكودها، ومدة الصلاحية وطريقة الاستخدام، وباركود يفتح واتساب مشروعكم

• ٣ قيم تختارونها (مثل ٥٠ و١٠٠ و٢٠٠ ريال)، و١٠ بطاقات مرقّمة من كل قيمة، وكل بطاقة لها كود ما يتكرر

• ملف للمطبعة: كل بطاقة بوجهها وظهرها، بمقاس ٨٥×٥٥ مم مع ٣ مم هامش قص وعلامات القص

• ملفات A4 للطباعة بالبيت (١٠ بطاقات بالورقة): وجهين، أو الوجه فقط والظهر فقط

• بطاقة للواتساب بمقاس الجوال لكل قيمة، ترسلونها للعميل بعد ما تكتبون اسم المُهدى له

• ملف Excel للمتابعة: كل بطاقة برقمها وكودها، وتسجلون تاريخ البيع والمشتري والمُهدى له، وتاريخ الانتهاء يطلع لحاله. وإذا انستخدمت على دفعات تكتبون المبلغ المستخدم والرصيد يطلع لحاله، ولما يخلص تعلّمونها «مستخدمة». وفيه ملخص يوضح كم بطاقة انباعت، وكم انستخدمت، وكم الرصيد اللي على المشروع للعملاء

✦ كيف تطلبونها؟

١. شعار مشروعكم وألوانه (أو نستخدم هويتكم الجاهزة لو صممناها لكم)

٢. القيم اللي تبونها، وعدد البطاقات من كل قيمة

٣. مدة الصلاحية وطريقة الاستخدام (مثل: بالواتساب، أو بالمحل، أو بالمعرض)

٤. رابط واتساب مشروعكم أو حسابكم للباركود

٥. توصلكم الملفات على الواتساب خلال ٤٨ ساعة، ولو فيه خطأ نعدّله مجاناً

✦ طريقة الطباعة

• المطبعة (أحلى نتيجة): اطلبوا «كروت شخصية وجهين» على كرتون مطفي ٣٥٠ جرام، وأرسلوا لهم ملف المطبعة

• بالبيت: كرتون A4 من ٢٠٠ إلى ٢٥٠ جرام بالحجم الفعلي ١٠٠٪، وقصّوا على الخط المنقّط

✦ ملاحظات

• منتج رقمي: ملفات PDF وصور PNG وملف Excel، بدون طباعة ولا شحن من طرفنا

• الصور في صفحة المنتج لمخبز تخيّلي اسمه «فنّوك» صممناه للعرض، وبطاقاتكم تجيكم بشعار مشروعكم

• الأكواد تجيكم بملف المتابعة، وهي خاصة بمشروعكم وما نستخدمها لغيركم

• لأن البطاقات بهوية مشروعكم، ما يمكن استرجاعها بعد التسليم

• المنتج مرخّص لنشاطك التجاري المذكور في طلبك، ويُمنع إعادة بيع التصميم أو مشاركته كقالب أو استخدامه لنشاط تجاري آخر. المنتجات الرقمية لا تُسترجع بعد التحميل أو فتح الرابط، إلا إذا كان فيها خلل. التفاصيل في صفحة «الشروط والأحكام».